未正式分手 嗌交分開嘅兩日入邊 對方話好嬲，所以就上網去flirt一個女仔 話要用最快嘅方法去令自己忘記痛苦 知道佢過去係咁嘅人 識我之前一個月我知道佢一個月可以上網約9個女仔見面，我問你唔攰咩？ 佢話好攰，但呢個係最快嘅方法 佢都同佢fd講，呢d咁樣嘅生活唔係佢想要，好唔實際 但係，佢趕我走個兩日，知佢好嬲，佢都話自己從來唔會回頭，都覺得唔會再同我一齊， 所以個兩日佢就調戲人地，仲見到d對話係人地面前鬧返我話我過分 發現佢咁樣做個一刻，我全身軟曬，全身麻痺 好寒，呼吸困難，係咁喘氣，成身震 佢嘗試去拉起我我都起唔到身，軟曬痹曬 同七年前嘅感覺一模一樣 估唔到好唔容易我用七年時間先好返，七年後會再有第二個人令我經歷多一次咁嘅感覺 個刻我真覺得頻死狀態，或者好快就暈 咁，雖然係網上flirt，但算吾算無縫接軌？ 而d對話我睇到一半就唔俾我繼續睇 我今晚想繼續睇 我真係好憎人地呃我 我唔知個兩日佢夜晚收工做咗d咩 一係佢del曬d對話佢啦，如果唔係，之後我真係會一有機會我就去睇返 我冇殺人放火害人，點解30歲人，感情路上從來冇好過，有時真係好絕望