北美38日背包旅行後記 Ep4 Hostel篇 好負責咁講一句 應該大部分香港人都會好習慣住hostel - 我一直以為自己係適應能力好強所以先至可以去到邊都住hostel仲住得好開心 但翻到香港喺屋企住瞓翻兩日先發現完全係大錯特錯 因為hostel環境分分鐘舒服過屋企😇 - 喺hostel 雖然每日會有人朝早6點起身刷牙洗面沖涼 11 點左右有house keeping係嚟吸塵 但大家都會好自覺9點之後就盡量唔制造太多噪音 10點會熄燈 而且因為會有common room 要傾計做嘢會出去 間房就真係休息用嘅 - 但好多香港人屋企好細住4、5個人 張枱喺廳 屋企人翻嚟一開電視就好難專心做嘢 瞓覺嘅話又同兄弟姊妹share一間房 佢哋温書温到一兩點 盞燈就開到兩點 屋企人睇電視又可以睇到淩晨 平時想早啲瞓都難 仲要啲鬧鐘一次過叫醒晒全家🙂‍↔️ - 對比之下住hostel分分鐘舒服過屋企 所以無論係之前住hall定喺美國瞓廳定宜家住hostel我都完全適應良好 俾大家做個參考😂 (1/2)