作為外行人，極淺咁談談《破·地獄》。 其實電影本質上係好奇妙嘅消費體驗嚟。 佢唔係您喺茶記嗌碗沙嗲牛，就期望係一碗好食夠飽嘅沙嗲牛；亦唔係您行街買對鞋，就期望係一對好睇好着嘅鞋。 每個人入場睇電影之前，就已經抱住唔同嘅期望；雖然大家共同期望都係「好睇」，但「好睇」嘅定義實在太闊，因為大家嘅期望都唔同。 如果因為「破地獄」呢個戲名，令您入場前期望會了解好多關於呢個道教儀式嘅深層意義，甚至係傳統觀念點看待生死等等；然後睇完套戲就話人哋嘥咗個題材，唔夠深入咁探討，點解唔諗下您呢個期望其實根本唔應該存在？ 首先，你對一套戲嘅期望係單單只睇戲名？係咪至少都睇teaser同trailer先調整自己期望？有睇嘅話，其實係唔可能有以上錯誤嘅期望。 另外，無論每個人對電影嘅期望幾唔同都好，電影係點都離唔開編、導、演、後期而組成嘅。所以當你哋評一套戲，如果無乜點就呢四方面去講，純粹用自己好主觀感受講套戲點唔符合自己期望，好坦白講，您呢個意見真係好低質，認同您嘅人都同樣咁低質。 Any肥，起碼港產片仲有人入場睇，有人討論，點都係好事🙂