【TRPG之深夜emo】 .3 TRPG故事 唔知大家鍾意跑面團/語音團/文字團多啲？ 我自己就覺得三種都各有特色。 面團可以用自己嘅靚靚骰仔，同埋又可以有多啲肢體動作/面部表情去RP； 語音團可以準備唔同嘅素材同BGM，同埋可以用唔同工具輔助； 文字團就可以唔怕羞恥去講一啲中二台詞，同埋可以隨時recap返之前講過嘅嘢，RP可以更加貼近角色。 作為語音團main嘅人，最近開始嘗試一下做文字團嘅PL之後，發現文字團冇一開始自己諗得咁差，某啲情況下仲好過語音團同埋面團。 我自己係一啲會去搶spotlight去刻意做一啲名場面 嘅PL，所以其實有時都感覺到自己比好多麻煩同團嘅PL同KP。 但其實我有時候係想喺in game製造一啲衝突位去比其他PL好好RP一番，而唔係自己企喺主角位。 今日其中一個同團PL同我講話因為呢團有唔少大家認真RP嘅名場面，而覺得玩得幾開心。 聽到呢番說話之後，我內心係有少少成功感，因為感覺到自己嘅努力係有比其他人睇在眼內。 最後，引用一下以前睇啲TRPG片有講過嘅一句： 「唔好期待你嗰團有優秀嘅GM同PL，因為你自己可以成為一個優秀嘅GM同PL」