唔打啲嘢有排拉唔返出嚟 依幾年就係一次又一次咁話比人知 我唔配獲得咁多 我想贏 但我更加想證明自己 想證明比自己睇其實我係唔差 我要贏唔係剩係因為我想 係因為我需要 但都係失敗 都真係幾挫敗 辜負咗太多人 下年再嚟依句冇幾多次可以講 更何況對我嚟講由轉磅打嗰一刻就唔應該再有依句出現 因為我已經好似認咗輸咁 本身只係想叫做掛名贏一次 解個心結 然後盡快打返本身個磅 去真真正正咁贏 但依家個結反而越嚟越大 因為依兩年輸已經係徹底嘅失敗 所以就算下年再嚟真係比我贏返 其實都冇乜意思 我就係嗰個輸咗好多次嘅‘亞運’代表😂 以前我會好想爭取到去打唔同嘅比賽 直至上年真係去到亞運 我反而冇話好開心 因為我都真係覺得自己唔值得 目標係好重要 去到世界賽去到AG代表唔到啲咩 呃到人呃唔到自己係冇意思 去到而又真係有依個實力 有好嘅表現咁先係重點 依一刻打到一次好滿意嘅比賽 對我嚟講先係最有意思 退落嚟就點都唔會住 未成功到可能就係我仲未夠想要 既然都係要打咁就堅定啲 將依樣變到好想要好想要 嗰啲贏過我嘅人都請繼續努力 因為我要用最好嘅表現去贏最好狀態嘅你哋 咁先對得住自己