好耐冇睇殭屍片，睇《邪Mall》有驚喜！【劇透慎入】 故事背景喺全寶商場，結界爛咗殭屍出動…劇情大路發展，交代快易入局，殭屍片獵殺刺激有、密閉空間逐個死緊張感有，血漿核突場面都有(粒粒妝要讚，但食唔返某零食了)。 驚喜喺第二啲位。死場商場、森記影碟店、龍虎武師、炒麵小店，呢啲隨時代日漸淘汰嘅元素；阿欣拎八米厘拍嘢、想做導演，固然係構築沒落氛圍嘅元素，都明顯有嘢講：好多嘢面對即將消失嘅困局。好多怨念。 困局中女主阿欣態度明顯：「與其乜都唔做，點解唔出去博下？」可能失敗死傷，但唔放棄先有希望，唔好奢望人救。老土卻係真。固守舊領地都唔易；突破重圍更難，要靠有魄力嘅後生輩了(&犧牲的前人)。 《邪Mall》何嘗唔係博下。感覺意念除咗投射落阿欣度，都仲有楊偉倫麥師傅度。道士袍天書畫符擺陣，殭屍(橙煙橙粒畫面有Feel，都覺係大膽突破)，睇到搵返林正英嗰種傳統港產殭屍片脈絡，仲有久違港式Cult片玩味諧趣(王生王太對望!殭屍避地拖!有冇人明)—幾耐冇喺大銀幕見到！（留言續 邪mall @candyw1219 meiahentertainment possessionstreet