唔知有冇人同我一樣，打完疫苗後免疫力系統失調，玫瑰痤瘡大爆發？？ 2015年開始，成日復發，但皮膚一直處於敏感狀態。一直維持到2022年12月，玫瑰痤瘡大爆發，成個身體失調，我覺得係同疫苗有關。當時連訓覺都訓唔到，食飯成塊面都好㷫同爆紅，係最凍既時候我都要吹住風扇開住冷氣，吹住自己，食飯都要拎住風扇吹住自己，當時既我真係有啲抑鬱症，但最大問題係我喊都唔可以喊，因為呢個病係連傷心難過都會令塊面更嚴重。我開始又搵左唔同皮膚科醫生，中醫，我只係想係我結婚前可以好轉，可以化妝見到人。 當時既我，每個月做兩次激光（好多人會問，點解仲要去做激光，因為呢種病係血管增生，利用激光去打血管，係有治療功效），但一次激光都成$8000，睇中醫，除左食中藥，我做埋穴位放血，耳仔放血，手指尖放血，十指痛歸心呢個感覺，真係好痛，但我無辦法，我可以做既就係咩都要試。 2023年中，我改變生活習慣，換晒所有無香料天然日用品，從營養調理細胞，玫瑰痤瘡開始穩定😭😭 我要多謝自己既努力，同埋願意嘗試新事物。我真係咩都試過晒，上網睇論文研究呢個病，了解到人體幾咁奧秘。