咁啱見到個西客，記錄下： 啱啱去食飯，鋪頭臨收工要埋單先，有個staff拎住部卡機逐枱幫人埋單。有一男一女埋完單坐多陣走嗰陣去counter話想要翻張單 staff：「邊張枱？」 西客：「唔知喎，裡面囉」 Staff ：「咁我要知道你坐邊張枱我先可以幫你print翻張單」 之後條女就開始發癲話「你咁咩樣態度啊」、「乜你啱啱幫我埋完單都唔記得嫁咩」諸如此類，吵多兩句條仔就埋嚟兇佢，「你咩料啊！」「你咩態度啊！」「你呢到邊個最大啊！？」。佢條仔都幾高，睇得出有操開，咁樣大聲兇人其實都會有啲少驚。 而家啲人俾錢食餐飯係咪就當自己係皇帝，重點佢講到個Staff理應要低佢一等咁，真係唔知當自己係邊個。間餐廳仲要唔係貴，100上落唔駛加一。俾個一百幾拾就想有皇帝級服務，連你坐邊張枱食咗乜都要記得，真心CLS。