身心折騰既我5 世事嘅嘢就係咁奇妙？！ 權威醫生咁啱有兩星期唔喺香港，所以手術最快都要兩星期後 而呢兩星期我哋做嘅只可以係等待 然後一星期過去，第一位醫生既護士突然間打俾我問候BB情況+想知道我哋最後咩決定。當時Goro又✈️左，咁我都直接同佢講話原來而家個情況比想像中差☹️所以冇辦法，要用微創做輸尿管重建手術 然後呢位護士當刻激動又帶點關心咁質疑我哋有冇諗清楚？？你哋知唔知呢個係一個好大手術嚟㗎！點解要聽第二個醫生講一句就決定？俾醫院掃描報告我哋幫你睇清楚,唔好聽人哋一面之詞（當然冇問題）收線5分鐘醫院打嚟問我係咪send報告俾診所 不過我俾佢嘅激動嚇親（一般診所護士好冷淡㗎嘛）又喊住打俾Goro問佢點算…我哋既決定係咪會令BB受苦？明明本意係想佢好返，因為權威醫生話做好就有98%康復!! 點解護士講到我哋害咗BB咁？ 不在港既Goro見個護士咁樣刺激我梗係好嬲啦🥹冷靜擔當嘅佢係絕對唔會聽護士講嘢，只會相信醫生專業意見，所以冇辦法之下，唯有等第一位醫生睇完報告後再通知我哋 當日佢哋冇打番俾我. Ok等…第二日又冇打俾我..Okok 繼續等.. 到第三日… 留言續 新生兒