破地獄 X 我的葬禮 女孩子，後生一定會憧憬自己既婚禮 我有兩個最好既朋友，由中學識到而家 喺我地討論婚嫁之先，我地最先討論既竟然係自己既葬禮 當年，我地喺到設想自己既葬禮 我既好朋友話佢既葬禮想大家開開心心 想好似一個PARTY咁，好似醫臣首《最後派對》咁 當時既我，無參加過葬禮，對死亡、對離別無感覺 無辦法想像如果自己死左，或者身邊既人死左會係點 直到2012年，最愛我既人離開左呢個世界 按制火化之後步出禮堂，我望住個天 「原來⋯⋯葬禮係咁樣，原來⋯⋯離別係咁樣」 我既好朋友同道生既入行經歷有啲啲相似 原本想做婚禮統籌既佢，走左去做殯葬業 佢話「婚禮一定會有好多有經驗既人去幫手，但葬禮唔同，喺失去至親咁心痛無助既時候，真係好需要一個專業既人去幫手」 2022年既時候，我將自己既葬禮計劃書寫好，交托左俾我呢個好朋友 我開玩笑咁同佢講「喂！唔好早死過我！同埋如果有日我地絕左交你都要幫我搞葬禮」 我既葬禮，就係不需要送別，一切從簡 唔會有機會見到我所謂既最後一面 提醒自己珍惜當下，珍惜每一個見面 無人知道，邊一次見面，會係最後一次 「人生無常，活在當下，珍惜所有」