原來時間線相同真係好重要 諗起以前同前男朋友大學開始一齊 佢出嚟做嘢但係我仲讀緊書 佢係好想比穩定生活我同屋企人嘅人 基本上一年365日有360日都返緊工 雖然我哋同居緊 但係我好羨慕人哋可以成日有男朋友陪出陪入 我同男朋友講咩佢都係話比錢我自己搞掂 我成日都發脾氣 覺得佢應該要陪我多啲 其實放假嘅時間佢用哂嚟陪我去玩 到依家返咗工 發現返工真係無動力玩 如果假日有人叫我出去都覺得好攰 終於發現我有幾唔體諒佢 可惜已經太遲⌛️ 所有野都有一個期限 我成日覺得你唔諗我 多謝曾經嘅你儘你能力去愛我