⚠️❌🚨 Dating Apps 404❗⛔🚫 STORY (18) - 創業男EX🥘 pt.6 上文講到🥘同我講離過婚有個仔 但尷尬嘅係我哋約好咗同埋大家身邊啲fd出海倒數 佢呢個時間點先同我講真係覺得佢好L醒 溝咗先再坦白真係好高招 不過都好過有啲人拍咗成年先講（身邊有識人真係咁） 所以都要多謝🥘一齊前同我講 雖然我個人都係認為一開始識就要講 第二日我都係覺得倒埋數再算，費事破壞個氣氛 所以倒數當日有照同🥘見面 但其實當日我係無諗過要唔要一齊呢個問題 只係想同fd開心地倒數 🥘：多謝你仲想見我，你想食咩呀陪你去食 我：打邊爐！ 之後🥘帶咗我去一間超好食嘅店 因為見呢幾次都係🥘請我 埋單時我諗住俾錢請佢，但🥘呢方面真係勁大男人 佢一野攞咗我張卡換咗佢張卡 🥘：我帶得你嚟食飯就係我請~揾次你帶我去你鐘意嘅餐廳再請我啦 食完飯後我哋就揸車去碼頭出海 🥘：你啲fd喺邊啊？ 我：做咩？佢地應該自己去碼頭呀 🥘：個碼頭唔近地鐵站車埋佢哋啦，話我知佢哋咩位置 之後🥘就去車埋我啲fd 見到佢默默將後座嘅公仔放去車尾 心入面有種講唔出嘅感覺 真係唔想諗佢有個仔呢單野住 該面對的下年先面對🤣 （待續）