繼續女人難為女人系列 女同事遞信，原因係工作壓力太大導致身體出現問題，外加荷爾蒙嚴重失調，想休息下做個身體檢查先 佢啲工作多到真係要另外開個post講，但佢真係已經仁至義盡，合約冇要求下都提早兩個幾月通知 腦細即刻開猛情勒mode 「你知道依家公司發展緊㗎可？你呢個時候辭職，依家公司冇咗你唔得個喎，封信我唔會收㗎」 「我用咗咁多時間栽培你，啲人成日都問我點解你做錯嘢，但我都唔炒你，因為我想俾機會你進步」 「你做咗身體檢查先，再唔係你完咗full time轉part time繼續幫手先」 （佢冇提過同事有半個月大假可放咗先，佢想同事全職無縫接軌兼職咁樣做） 人哋都講到明健康出事要休息，仲逼人無縫接軌，到底有冇人性？🙂‍↕️ 喂檔生意係佢嘅唔係我哋，憑咩要我哋返工賠埋健康？ 職場鬼故事