今日睇完破地獄，我先發現我代入既唔係在生既人，而係先人 ——影評有劇透—— 母子我代入既係子，我發現個阿媽冇比文哥講錯，佢的確走唔出黎，佢咁樣做唔係睇開，只會困住自己一世，如果阿仔真係有靈魂要轉世，破唔到地獄都走唔到，只能睇住阿媽係人世受苦 個對百合，我覺得死去既女仔自己簡左個男人，自己比人家暴（？）或者癌症受苦，佢都冇選擇離婚，佢結婚個時都唔係有人㩒住佢去簽字，可能佢死個一刻有後悔，但個人生係佢自己選擇既。但佢會好開心係人生最後仲有真正愛自己既人願意陪佢最後一程 個姨姨，到最後冇曬親人相伴，當樓上鄰居係自己親生女，佢一直受病痛折磨，但都唔想再麻煩到女主，佢只係選擇係自己最熟悉既地方走。聽講人停心跳後幾分鐘內仲有少少意識，咁佢就係感受住女主既愛底下走，我覺得佢會放唔低女主，但故事最後佢一定會釋懷 文哥，佢呢一世人都唔識點樣表達愛意，但最後既最後，佢做到左，佢一定知道子女既愛同真正既友情，而佢可以好自豪咁笑住落去見老婆