“去人地屋企食飯洗唔洗碗”我覺得係禮貌問題 作為客人，我接受完人款待之後點都會表達自己嘅謝意同睇下有咩可以幫手，洗碗係最簡單可以做到嘅嘢 作為主人，我展現熱情好客之道都唔使你洗啦，但你主動提出我會覺得你有禮貌咁解 同埋上得男/女朋友屋企食飯見家長，係咪都應該扮下野表現下啦，喺屋企做開大爺所以嚟到都做大爺，不如叫埋啲長輩叫你太爺啦…去得見家長帶啲禮物/(扮)幫下手好基本啦…做大爺返去先做啦 出街食做客人都要俾錢，去人地屋企食就做大爺？我做主人其實都無乜所謂，但做客人係過唔到自己嗰關。不如好似劉青雲講咁：食完人餐飯，食埋人個女(仔)，再問下有無甜品食啦。