星期日同阿媽去睇下佢間屋，啟悅苑，外牆上曬色，隔離啟欣就差唔多收樓，希望一年後啟悅都收啦！ 由我考大學，已經心心念念想買間屋比父母住，因為一直住開唐樓，父母年老都唔能夠長遠住落去！用白長抽第二次，遇着好少白長，叫曬一百粒珠揀樓！而我地有幸揀到心儀單位，係一個391尺，鳳鳳層，向東南的單位，非常足夠二人居住，而樓下個啟德車站廣場個設計都好正，好啱老人家！總算圓左我個心願，亦都比到個安居之所父母養老！