Ətrafımda olan hər kəsdən uzaqlaşmaq, heç tanımadığım bir şəhərdə yaxud da başqa bir ölkədə, heç tanımadığım insanların arasında olmaq istəyim günü gündən artır. İçimə dərd etdiyim bir həyatı yaşamaqdan bezmişlik, tükənmişlik hissi məni yenidən içinə qapanıq bir insana dönüşdürür. Heç kimlə danışmaq, ünsiyyət qurmaq, hətta "dərdin nədir?" deyə soruşan yaxınlarım ilə belə kəlmə kəsmək istəmirəm. Bezmişəm. "Dərdin nədir" deyə soruşma. Onsuz da mənim dərdimin nə olduğunu həmişə bilmisən. Nə fayda?