最近加入咗一個舞團 老細兼老師問我：「嚟咗個半月，慣唔慣呀？」 我諗都無諗就答：「唔慣！好唔慣。」 然後我個腦係咁loop呢件事 以一個新人/新手 差唔多日日面對住能力好高嘅dancer/演員 真係好大壓力 （唉哈 但我鍾意～） 偏偏自己又係啲所謂逆境自強嘅人 一做唔到跟唔上 就搣搣大脾繼續想死跟 or 原地體內爆炸boom 但轉個頭又可以嘻嘻哈哈weeeee~ 過山車般嘅情緒真係好攞命 有時真係唔想7 所以想做好 但一時間又無能為力 有心無力 有人同我講 可以唔洗咁要面 但我覺得唔關係 純粹正常唔會有人想自己7 所以想盡力做返好自己咁解 雖然對呢個地方/做緊嘅嘢 都仲係一知半解 浮浮沉沉 但遇到好多好有趣 好正常 能力好高嘅人 可能出面對得多生產力過低嘅人 做事嘅要求/想法 看似自由 但一路被壓縮 搞到我都好想提升返自己本身嘅「一啲嘢」 再叻多啲啲 工作內外都有唔同嘅事情情緒醞釀發生緊 自我調節呢個課題進入咗職場生活第三年 最近呢個調節器好似壞壞地 搶修中～👩🏻‍🔧 有啲答案依然被動地尋找緊 思考緊 等待緊 而「仍然努力為自己揾一個定位。」 我估呢個係我今日未回應到嘅答案。