記錄下今日嘅生活事先： 今日亞媽講我知，我細依擔心我生活，幫我走咗去大陸問盲佬。盲佬叫我連續三日早上8點，去到老公墳前品：話邊個邊個有錢去旅行，去玩，就係一蚊雞都冇還過錢，叫我照實講。品完後果條友仔應該心唔安，多多小小都會還咁小小錢。如果唔還遲早會爛手爛腳。 我媽同我講完我即刻大笑問，唔通會報夢追債😂 我同媽講：如果一個有良心嘅人就唔會問一個長期病患嘅人借錢啦⋯⋯ 扮明邊個邊個有心唔想還啦，人都唔向到，真係鬼同佢駁咩！況且，佢哋係兄弟姊妹，做咩要還錢比你（即係我）呢個外人！ 我媽聽後就講咗個舊事，媽話好耐前，咩咩親戚就係私底下拎咗咩咩仙人嘅金器自己代，幾年後果親戚就成鬼日周身病痛唔行得，睇醫生睇凸。 我好有佛性同媽講，這就是債！拎人野要還債架。 其實向呢件事情上，開頭我會覺得我老公係比人呃，我抵唔住邊個邊個呃我老公，但後尾我明白凡事必因果。呃人嘅最終都係要還，就睇下今世定下世還。 所以媽同我講亞依返咗大陸幫我問事，我都好多謝佢關心我。同呢d咁得意嘅問事要記錄一下，將來睇返又得啖笑，又警惕下自己。唔好做衰野😂