🗓️Day 83 (2m22d) 好耐無寫阿昱嘅記錄，因為襯住放低佢去旅行嘅同時調到唔洗深夜起身泵奶，所以就一直都無再另外揾時間寫(-｡-; 體重已經比起出世時翻倍嘅肥昱，抱得耐會手軟，依然食緊150ml一餐，係臨瞓前一餐會神經刀地要食多90 ml (不然這身形是怎麼來的) 可能佢身體大咗，肺活量也隨之而增加，夜晚嘅哭鬧聲有時會大到擔心鄰居以為我們發生咗咩事(˶‾᷄ ⁻̫ ‾᷅˵) 覺得BB係有一種特別嘅感應，如果夜晚阿肥同赤兔出咗去散步，佢會特別扭計，反而人多嘅時候佢就越乖～ 今日第一次單拖帶佢去搭火車，又或者應該話最近多咗帶佢出街，每次出門口都有好多嘢要準備，出咗門口之後又要去好好地規劃路線，好多以往習慣行嘅路線，原來都要重新思考。推住BB車先發現，有好多位置都係好唔方便，除咗要兜一個大圈圈先有𨋢搭，好多𨋢更加係起喺後樓梯，重點係，要搭𨋢的話需要先推開一道好重嘅防煙門，推住BB車都叫勉強開到門，想像唔到輪椅人士係點樣使用呢啲設施...  距離返工仲有一個月，係時候要逐漸開始同bb分開，好好部署吓點樣過渡了(｡ ́︿ ̀｡)