🐣英國懷孕生產#2 等待中途 我都開始有不規則嘅陣痛，但可以接受！ 直至夜晚8點，夜更醫生交更後，終於有人黎睇我！醫生話因為穿左水既頭24小時，bb會安全而佢地希望bb會自然發動，所以中途唔會用任何藥物催生，而我哋只需要默默係度等待！同埋因為穿左水，所以內檢都要等24小時之後先會再做 避免有感染！ 總結：24小時之後先可以再決定下一步！ 而我既陣痛都開始好痛，所以midwife 建議先聞gas同打止痛針！ 一開始嘅時候都仲有用，但直至到第二日嘅凌晨3點零開始（穿左水已經22小時+）聞gas已經幫我唔到，第一次明白咩叫痛到喊 控制唔到，可惜每一次嘅陣痛都仲未係規律！而我已經唔記得咗依兩三個鐘頭發生咗啲咩事，事後老公有同我講-原來佢見到我痛到咁，叫左midwife 入黎睇我兩次 我都係冇印象！同埋佢仲一路幫我用app計住陣痛既pattern.🥹 終於捱到第二日既凌晨5點半（穿左水終於24小時，我已經痛到唔知發生咩事），midwife 就好似一道光 非常準時咁入黎幫我做內險 加offer 催生 同打無痛！我雖然痛 但聽到既就係 痛左24小時，我 一 指 都 未 開！ 續