inspired by 禾正下 @justin_fungchunhei 以下內容純屬夢境 如有雷同實屬不幸 阿文想擺咗埸百日宴俾自己個仔 阿文呢家人啲親戚多到想請五百幾人 要連續係阿天樓下間酒樓擺五日 場都訂埋 但係阿文唔記得通知啲親戚朋友 更加不幸嘅係衛生署打嚟話依家限聚令一定要早幾日啲通知啲來賓有關啲衛生注意細項 阿文冇辦法就去搵衛生署求救 搞完一輪最後反而俾人插到喪 總之就搞唔到 阿文嗰區咁啱搞緊區議會選舉 阿文同佢啲朋友係呢區關愛隊啲高層 諗住唉搞唔到不如搵一晚搞場見面會搵啲候選人一齊傾下計咁啦 話晒依家關愛隊要追kpi 去到搞個日 其中阿文有個老友叫阿濟 阿濟呢就早半個鐘過去諗住搞搞個場啲設定 搞搞個bgm 啲檯檯凳凳都要擺好 但係呢 酒樓阿姐見到阿濟呢就即刻阻止佢 老世就問阿濟大佬你唔打電話留個場喺到搞咩飛機 然後突然驚覺原來阿文一路都冇俾錢交到訂 但係成個關愛隊都以為阿文個場確定咗可以用 啲街坊好多過緊去酒樓想見下人咁 搞咗一輪最後要走去隔離阿法派蛇齋餅粽嗰度將就住先 好彩阿天好煩嘅阿公阿嬤冇走嚟關心 但係依家阿文老母知道件事就快中風 自己要睇返住頭家