Translantau 120 by UTMB 一年一度嘅山界「盛事」，今年仲要有旅發局支持，諗住佢會搞得好過上年啦，可惜少年我實在太年輕了，由賽前，比賽中，以至賽後嘅安排都令人失望，不禁令人覺得大會喺以UTMB之名黎掠水，反正搞得幾差都好，下年都會繼續有人報名。唔再講咁多呢啲比賽搞得有幾差，詳情可以睇返其他參賽者同各大page點講，就當自己用咗二千幾蚊買4粒🪨。 講返個比賽先，因為上個月寧海100玩得唔好，所以呢場比賽都想玩返好啲，但由於未玩過100km u以上嘅比賽，加上過幾日又要玩毅行，所以一開始都採取保守啲嘅策略。雖然最後達唔到目標成間，但至少呢120km 我有享受緊比賽，途中又冇咩大狀況出現，已經冇得要求更多了！ Start - CP2 貝澳 學敏怡話齋，頭廿幾km 當熱身，過咗貝澳再當自己跑1個100km 比賽🤣，所以切忌心急。因為頭段去到貝澳可跑性都幾高，所以大家都keep 住jog，我就緊守zone 1-2 嘅心率，用power walk + jog 交替，不過去到貝澳都比預期快咗20分鐘。去到CP 想搵條蕉食都冇，唯有飲杯可樂，拎兩包waffle 就走。