上一個post大家都唔同意見 今次我講吓點解我有咁嘅睇法先 首先講「1個小朋友米幾好，無咩必要唔好生第2個」 其實係我體驗到媽媽得一個 無論點做，都總會有對另一個唔公平的時候 有呢個諗法係妹妹出世10幾日 我仲坐緊月，有一晚我吹緊頭 大寶同佢爸爸玩 突然聽到砰一聲，大寶就大喊 衝入去睇，已經成個頭都係血 問發生咩事，原來係玩得癲得濟 撞埋衣櫃邊，劏開咗頭皮 執齊文件衝急症室 等咗差不多半個鐘都仲未睇到 但血就不停不停流，止唔到血，所以我放棄等政府急症 衝去私家醫院，途中係咁叫大寶唔好瞓，唔好瞓著 我真係好驚好驚 去到私家醫院，麻醉縫咗5針，要留院觀察 當時仲係convid，只準1個陪入院，仲要做檢測 大寶好想好想我陪佢，佢好驚攬實我 但妹妹係屋企等緊媽媽奶 如果得大寶一個，就可以毫無懸念咁媽媽陪佢 當二個都好需要媽媽，但媽媽得一個 比著係你，你會點抉擇呢？ 育兒