破地獄係我近年最喜愛既港產片之一 坦蕩蕩去直視死亡同喪禮, 將本土傳統同每一個角色好立體咁表現出黎 實實在在表現到一個香港人係依個城市掙扎，跌倒再出發，能屈能申既精神 同時亦都講出果種香港人係好鐘意錢，但係有底線有良心，無忘記本質初心 將好多人會有機會面對既問題係短短2個鐘觸及到，由親情，待人處事，人際關係，傳統同現代思想既衝突，香港人做多過講既習慣 每一個熟悉既場景 每一個鏡頭剪接順暢舒適 每一個演員情緒恰到好處，好寫實 依個陣容應該都好難再有機會係同一大屏幕出現  其中有幾個畫面好值得細味（有劇透） 開場一隻蝴蝶飛去花牌果幕，令我記得細細個屋企人會話俾我聽離開咗嘅人會變成飛蛾或者蝴蝶係你身邊睇住你 連詩雅最後嗰一幕破地獄好唯美，我有係喪禮睇過破地獄，但從來都唔知道真正嘅意義 到結尾子華神架紅色車向左走，另一架喪禮車向右走，跟住個畫面慢慢拉遠影住加士居道車來車往。回應返我哋每個人都係搭緊同一架車，只係喺唔同站落車 每一個畫面都好細脷，我冇諗過一套講殯儀嘅電影，我睇完會想睇多次。  真心推介 破地獄the last dance