睇咗《破地獄》，唔打算寫影評，只分享回憶同個人感受： - 由細到大睇完破地獄都好想拍手，但未睇過電影入面咁華麗唯美嘅version（可能因為我去嘅都唔係高規格儀式） - 第一次聽到廣東話版喃嘸歌（有印象以嚟已經係普通話人唱，據聞土生土長喃嘸師已近絕種，還請殯儀業人士指正） - 類似題材，才女黃詠詩嘅招牌獨腳戲《破地獄與白菊花》更夭心夭肺 - 係咪因為港產片屬於瀕危物種，所以好睇少少就要大力吹奏？套戲係唔差，演員絕對好戲，美中不足係剪接同對白有啲尷，話晒英皇出品，資金同資源相對充足之下，係咪可以將個標準set高啲？ - 有感動位，但比預期少，不過都聽到唔少啜泣聲（利申：電影中心入座率6 成唔夠100人），隔離位媽媽級觀眾由中段開始淚如雨下，完場排隊去廁所，排後面個妹豬仲好激動呻緊鼻 - 個人最中意白只同梁雍婷嗰幕，唔重要但有戲味 - 英皇簽衛詩雅就係因為佢靚，做戲唔差亦唔係第一日嘅事，反而保養得宜令中女羨慕 - 如果覺得朱康好戲，建議有機會入劇場睇吓朱凌凌其他成員（即朱謙aka大佬、白只、阿卵同Chris）演出 - TLDR：唔會話佢係神級傑作，但唔後悔買飛入場