上YouTube睇啲半小時一套漫畫， 「拉麵王」真係將現實嘅情況寫得好精彩， 「反派」拉麵老闆初心係用最好嘅食材， 做出心目中最理想嘅拉麵， 相信客人會食得出自己嘅用心， 欣賞自己嘅產品 點知啲客人個個去晒隔離用化學品、重豬油嘅拉麵店食， 仲要俾老闆聽到啲客話佢嘅拉麵係垃圾， 令到佢徹底黑化， 改為用重蒜味牛油去整拉麵， 結果拉麵店起死回生。 現實中睇見好多好嘅小店用好嘅食材， 落足心機去做， 然後睇住一啲賣得又貴又唔好食嘅店排晒長龍， 啲好食嘅小店就要執笠， 好多吹到好勁嘅，排晒長龍嘅店， 買番嚟一食，第一個反應係： 「吓？咁叫好食？」 啲膳稿寫到天花龍鳳， 但食完就好似黑白大廚安主廚話齋： 「你所講嘅嘢，我全部都食唔出」 真係唔敢相信客人嘅品味 當然，可能都會有人話： 「車，係啲小店老闆經營不善啫，關人咩事？」 咁唔排除係有marketing嘅問題， 但好多時件產品本身都未得， 淨係下下靠marketing、靠打卡吹大晒， 就本末倒置咗。 不過，戴番個頭盔先 口味都係好個人嘅 可能係我問題，係我唔識食啦🤣