20241115_倒數3日… 今早趁囡返學，再去補堂，8:30已喺巴士站等車，結果等咗半個鐘都唔見有車到，最後衝咗去搭的士🚕。的士司機好好人，仲問我幾時考試，又同我分享佢當年考車經驗。最後到達駕駛學院已遲到5分鐘。 當個人心急緊張，個腦就一片空白，次序混亂… 斜坡停車，結果過咗白線(學咗咁耐都未試過呢個位出錯)； 行多石B線，喺源康街轉彎入小瀝源路準備返學校，又差啲入錯線(應行中線轉入最左線)； 最後準備落堂，差啲直接解安全(完全忘記拉手掣>P波>熄匙)。 今日錯晒啲好基本，平日唔會錯嘅嘢🤦🏻‍♀️，仲有3日就考試，點算呢😮‍💨？