《S班和A班的最後致辭》 — 長大是，成為能為自己發聲的人 由萬民劇團製作同演出嘅《S班和A班的最後致辭》，講述一間學校為咗谷起中六級嘅公開試成績及校譽，分別將精英學生分派到擁有更多資源但受盡監控嘅S班；平庸學生分派到一般嘅A班。學生因為不公平嘅資源分配制度而陷入惡性競爭，教職員權力鬥爭，導致S班同A班之間強烈對立。 能夠係多倫多睇到廣東話劇場真係好難得。論資源一定未及香港製作，燈光、舞台、道具等等好難去比較。但睇得出佢哋嘅認真，係有限嘅資源做最大嘅事。想俾返Credit服裝造型設計團隊，因為佢哋好成功咁塑造到一班唔同年紀嘅演員都好似中學生，而老師亦都真係好似中學老師，好大程度幫到觀眾入戲。另外，真係好佩服一班演員可以背到咁長嘅Lines，尤其係女主角Sophia(Erica Chan飾) 宣讀嘅最後致辭。除咗長，亦都係全劇最核心嘅信息，而佢呢晚Handle得好好。演出時亦有同時播放字幕，相信對一眾演員都有啲壓力！所以真心Respect！ 留言續 多倫多 多倫多 多倫多