呢個世界最恐怖嘅四個字叫「期望落差」 好比拍拖，你期望另一半好體貼溫柔。 但當佢做唔到嘅時候你就好唔開心，然後就會鬧交。 好比對自己，你期望自己可以處理到啲問題/我以前都處理得好好，今次一定都得！ 但當自己處理唔到嘅時候，就會覺得點解我咁廢？ 好比課堂管理，你期望學生可以因為你嘅用心準備，然後乖乖地認真聽你講書。 但當有幾個人做唔到嘅時候，就會覺得自己根本唔識課管。 以前成績幾好又點？好多嘢都做得好好，咁又點？大家都讚咁又點？ 一出到社會做嘢，你會見識到人心嘅恐怖，同埋你對自己、對所有嘢嘅期望落差，希望大家都唔好俾呢種落差吞噬。 加油！ 老師日常