🗓️Day 85 (2m24d) - 口水怪 因為早排開始識食手，又成日鍾意玩口水，成日都攪到隻手濕漉漉，所以就買咗個西瓜牙膠俾佢自己揸住玩(≧∇≦) 尋日第一日俾佢試，淨係識得捉實西瓜，一係傻傻的喺到揈，一係嘗試放入口但預唔到個距離結果不停被西瓜打面~\(≧▽≦)/~ 今日又再練習下，成功可以放到入口喇! 成功放到之後瘋狂讚佢，佢好似好開心好有成功感咁 (ᗒᗜᗕ)՛ ̵̖ 當然都唔係次次放得中，有時都會放歪咗就會發脾氣，玩下玩下就玩到大半個鐘!