終於偷時間睇左＜破。地獄＞，想響唔劇透既情況記下少少感受 1，成套戲既氣氛同節奏掌處理得好好，尤其配樂及主題曲 2，得罪好多人咁講，成套戲做得最平平既，係黃子華；但如果唔係佢做男主角，相信套戲又唔會有咁好票房 3，其實我覺得林保怡或吳鎮宇做道生呢個角色，成套戲會更好睇；唔係話黃子華唔掂，但同其他角色擺埋一齊，真係有種被比下去既感覺。講戲，我覺得＜飯氣攻心＞既黃子華處理得更好。 4，最尾果舌戰果場戲真心覺得係多左，同套戲本身既氣氛唔夾；我唔知係咪想copy毒舌大狀既成功啦，咁無啦啦響呢個位爆一爆我覺得係不必要地多左，我情願所有情緒留返響兄妹共舞一次過出黎件事會更合理 5，成套戲既故事好簡單，甚至有啲老土；但將簡單既故事講得有感染力，同時將幾個主題（價值衝突，生與死，親子關係）同一個簡單故事穿晒而唔覺得係強說教同埋砌，呢個係導演同編劇既功力 6，朱柏康，衛詩雅，許冠文響呢套戲都值得拎獎；尤其係朱柏康同衛詩雅