寫code 本身唔易，但喺香港寫呢，有啲難 難在係公司、上司，甚至客人無理嘅要求，可能有人會話其他地方都係咁，但我可以講嘅係，比率係細好多 當年我就係頂唔順香港嘅打工文化，先去學人開公司，十幾年嚟接嘅project有大有細，而近年亦開始接美國果邊嘅project嚟做(唔係唔想接香港而係無生意，有嘅都拖數) 我發現，即使人哋有要求，想點改都好，起碼都識得尊重，同暫時配合用住先；有次係瀨咗嘢直頭爆server(web)，推出後太多人用chur爆咗 個美國客同我講：Happy Problem 我不停sorry之際，佢哋仲話當年Google都死過，Page直頭驚到匿喺廚房喊 有咩咁大不了？ 無錯，寫code有時就係爭呢種寬容，當然唔可以因為咁而掉而輕心，但真係出問題時，先唔去怪責，再慢慢諗辦法處理，永遠好過急就將咁解決 咁樣各方配合，先至可以進步，排除下次再出同樣問題，咁條code先至係精準