雖然我好叻冇喊，但我永遠都冇勇氣嗌佢哋收嘢。如果我嗌佢哋收嘢，係咪啫係我要接受佢哋已經走咗，過咗橋忘記咗我啦？ 我唔想…唔想接受。每次係化寶爐前我都好似啞咗咁永遠都只可以做口形，對唔住，如果你哋收唔到嘢，我唔想的。🙏🏻但我知道，唔捨得都要放手，咁樣佢哋先會過得好，咁樣先係對佢哋最好。 最後我都俾林家謙呢個喃嘸佬超渡咗，喃嘸師傅超渡先人可以破地獄，但超渡活人好難。每次拜山同婆婆傾計我依然好想喊，所以我都會同佢講，我生活得好好，唔洗擔心。 天各一方…….難見面，但有日我哋都會再坐係麻雀枱飲住檸茶，傾下今生過成點，笑下碰下食下糊，你又可以叫我「文文」，我又可以笑下你咁囉。 Miss you all, see you later. 👋🏻