3. 手術後第3日醫生叫我返屋企休息，叫我得閒出街唔好唔郁，咁先復原得快。我就好聽話日日都行，希望可以快啲好，12月完全回復正常過聖誕生日。 由發現身體有事到術後好百感交集。公司有2個怨婦狀男同事A生J生幾乎每日隔空問候，期待復工頂佢地放假🤣 由於獨居，好朋友黎生準黎太出院第一日就上嚟探我，碗湯同鞋抽意義對我好重大，一切都在心中。當然仲有好多朋友既關心。 我鍾意獨立唔想煩人，以為自己可以一個人處理所有嘢，原來有啲嘢係無辦法一個人去扛。 最後真係覺得人冇事先可以做到世界冠軍。工作並非生活既全部，攰就要抖。有些人和事唔同頻率激自己心，無視就好，無需過份解讀。一切要以自己感受爲先，唔好比人影響自己既批判思考，唔好比較，無人比自己更重要。 好彩我份人孤寒，後生無玩儲落左啲錢。醫保好重要，如果排公立分分鐘會等到囊腫破裂，微創都做唔到變要開大刀。有病搵個細心有耐性自己信任既醫生好緊要。今日複診返去洗傷口，傷口埋口好靚，剩下的就要靠自己努力去康復。 2024就嚟完，我真係過得好苦好多事發生好多委屈。我睇通左好多嘢，感恩自己擁有既一切。最後祝大家繼續身體健康，生活愉快。2025更好！