睇完《破地獄》，點解硬係好似差咗啲嘢？ 死亡本身緊係一個沉重嘅話題，殯儀館氛圍陰深沉沉，加上南音唱腔，聽落都唔係咩撫慰心靈嘅雞湯。整套戲無論係導演喺鏡頭、燈光、音樂畫面，甚至講故事嘅節奏，都交到功課。除咗某啲情節剪接後得啲突兀之外，基本可以話係一套高質藝術電影，唔想挑剔。 想挑嘅係子華神。 子華神喺我心目中一向都係一位可以將沉重題材化為笑料嘅大師級，善於黑暗當中帶出幽默，甚至可以一針見血諷刺時弊。散場之後總令觀眾仲覺得話題沉重同黑暗同時會會心微笑，坦然面對生活嘅無常。不過喺呢套戲入面，呢種特質就欠缺咗。少咗嗰份黑色幽默，令人睇完之後覺得少咗啲某些黃子華。 仍然好懷念佢棟篤笑嗰種自由意志同睿智幽默。幾時可以再叫回水同除褲？