當你個人因為親人過世、工作沒了、感情沒了、搵唔到工、加上失眠(要不五點先訓得着，要不早上九點睡下午四點起床)而變得十分憂鬱，你想跟至親分享你的心情，但她就同你講： 她：你要搵個人生目標 我：返工日日可以填滿時間都算系人生目標 她：返工就有人生目標？ 我：起碼好過無野做日日系到吽 她：咁我之前放大假日日無野做都系咁啦 我：咁你放大假即系仲有份工等緊你 她：咁你之前又話想去學咩學咩但你又嫌遠唔去學？ 我：雖然一開始我系嫌遠(因為無收入仲要比錢)，但到我想報名人地一系無位一系時間夾唔啱(中間要去旅行上唔到堂) 她：咁我都無迫你搵工啊，我都有講就算你唔搵工住都仲得，同埋你想煮飯就煮唔煮就叫外賣，你仲想點？ 我：其實有時我同你講只系想傾訴下，而唔系想收到你嘅批判同反駁 她：咁樣就叫批判？ 我：我同你講只系想有個人傾聽，系傾訴同聆聽啊！ 我諗番起點解呢幾個月嚟我好唔開心個人情緒好低落到晚晚半夜喊成個鐘，但我都無同你講過，一嚟因為我唔想你擔心我，二嚟因為我覺得同你講都無用！而家唔系你有冇迫我搵工，而系我自己咁耐都無人請啊！而家唔系我唔想報名學野系人地無位啊！點解好似我做乜講乜都好似系錯？