_嚟到加拿大變咗Ian__ 我睇好多人嘅分享，都話自己嚟咗加拿大，長時間留喺屋企，少咗好多社交；我反而相反，嚟咗加拿大之後，多咗鍾意出去玩、認識新朋友，原因如下： 1. 家人與狗係我最好嘅朋友 我媽媽係我嘅閨蜜，我好鍾意晏晝喺屋企睇書，夜晚去佢公司/喺屋企等佢收工，佢分享佢嘅公事，我又分享吓今日做咗咩，然後攤喺張梳化度一齊耍廢睇電視📺 加上我有一隻14歲嘅Poodle，有佢兩個陪住我，我覺得每日都過得很平淡但滿足 2. 香港出街太多人 返工/放工時間地鐵站迫滿晒人，油尖旺區亦都長期多人，出街嘅活動多數亦都比較單一，都係出去食吓飯、行吓商場，每次去到太多人嘅地方，我都會想好似龍珠咁爆炸。我同我阿媽比較少會遠征出郊外，最多都係去吓西貢或者赤柱，尤其星期日係休息日，結果就唔想出街 3. 擴闊加拿大嘅社交圈子 我自己一個嚟加拿大，亦都冇中同/大同喺度，上一個冬天長時間摺喺屋企，發現個人真係好抑鬱。我發現去到一個新地方，如果你唔主動識人，你就真係孤伶伶得返自己一個；而且加拿大遇到嘅香港人，同我本身嘅社交圈子好唔同，認識唔同嘅人、聆聽大家嘅經歷，亦令我更加了解自己 多倫多 加拿大