白袍血壓症 生大女嘅時候開始發現自己血壓唔穩定，喺醫院檢查時經常都超過140/90。第一胎剖腹係因為妊娠毒血症，血壓23X/12X。第二胎因為再次見到血壓不正常，於是喺病發前剖腹。 自此之後，每逢喺醫院量血壓，必定超過140/90，甚至越量越高。 最近一次檢查，第一次142/94。之後吹住大冷氣做完心電圖，再量變成170/10X。其實已經唔關緊張事，係我當時覺得好凍。 本身知道自己屬於敏感型體質，察覺到好多環境因素都會對自己身體有明顯影響，聲音、空氣、磁場等，甚至去旅行都例必影響去洗手間。 本來醫生要我食血壓藥，但我同佢講自己喺屋企量都係好正常，所以佢叫我下次帶埋血壓計去醫院俾佢睇下相差幾多。 白袍血壓症