睇完破地獄 其實都好有共鳴 首先自己姓郭 爸爸❤️四年前走咗咁其實我都錯過咗佢最後一面 基本上係由一開始嘅白糖糕我已經開始喊 而且我同家姐一齊睇 當初係我家姐打電話俾喺英國嘅我而我當時啱啱醒 家姐話阿妹妹你而家冷靜啲，我要講一個好重要嘅嘢 爸爸❤️得返最後兩日命 有咩就好快啲同爸爸講 其實嗰時唔知俾咩反應，直到我cut咗電話 然之後我就喊咗幾日 雖然套戲有好多金句有特別post出嚟，但係我覺得其實有一句都好深刻： 唔捨得就可以咁自私咩？ 因為嗰陣時醫生話可以打嗎啡 令到佢堅持多幾日 我都想佢留低等我返嚟 但係爸爸係cancer併發症佢已經好好彩一次過爆曬 而我因為疫情同埋私事 我最快都要4日後 其實聽完電話我就已經打俾爸爸❤️ 佢係一句都講唔到出嚟 我聽到佢對住嗰個人講，但係真係冇同我講 其實係我上飛機返英國嘅時候唔知點解我係好想抱吓爸爸 但係我冇諗過嘅，因為自己覺得阿爸唔鍾意身體接觸而冇抱 就係咁樣會成為咗好後悔嘅事 咁當然見唔到最後一面都係我目前為止最大嘅遺憾 特別係我隔離咗14日之後個喪禮 望住阿爸凍咗半個月肌肉收縮晒皮膚鬆弛 其實好對唔住呀爸