其實做小池大魚，總好過做大池小魚，若勉強入到名校，但次次考最尾，全家大壓力，真係用一生的信心來換所謂的名校生優越感

如果係正常唔係好谷嘅情況下應付到，咁讀名校係好選擇，如果日日讀到天昏地暗，就真係無必要

睇到身邊啲中產家庭 逼到個小朋友抑鬱咁滯 真係好可憐

老實講，如果要催谷才入到， 應該只會中間左右，你家長接 不接受，到時又情緒有問題， 只會大家辛苦

跟本就係一條死路

好多岩岩由基層上中產嘅家庭 根本冇諗咩適合自己仔女 一味跟風要威 報十鳩幾個面試班 唔難入都唔報 但本身又冇關係 又冇兩手準備 冇offer就怨天怨地 名校都分好多種 有chur精英十項全能嘅嘅 有著重語境嘅 有毒撚貼地谷讀書嘅 最最緊要係揀適合自己小朋友 唔係要拎個名同親戚朋友威 好簡單 問下自己 當你報左拔萃 但點解要報先？ 拔萃特點係咩？讀書風格係點？將來想會佢行DSE定IB定出國？如果一題都答唔到，就唔好再害自己個仔/女啦好心。成個香港嘅學習環境就係比你呢啲人搞彎晒。 🫠

有小部分既小朋友真係讀書材料，高專注力，自律，求知慾高，確實好適合讀名校，但大部分的朋友只是平平凡凡，要靠勤力或催俗才有好成績

我以前有個朋友佢個小朋友入咗傳統名校嘅幼稚園，每日返到學校門口都喊😢，英文又跟唔上，屋企環境又冇人哋咁有錢，人哋搞一個生日會就喺遊艇會嗰啲地方度搞生日會🎊，佢自己個女搞生日會請同學仔嚟呢就要傾盡家中財產先可以搞到一個體面嘅生日會，咗阿媽最後將佢轉返出去普通學校！！

唔適合某一間名校=/=唔洗谷 有兩件事最好分開講 1. 呈分試及升中選校 2. 入名校 會谷嘅家庭，你攞走左第二點（唔入名校、神校）都係會谷到情緒低落。點解？因為家長都想可以係最好的選擇中找最好。 咁唔谷得唔得？可唔可以入一間過得去嘅就算？我唔敢。尤其小朋友有咁嘅potential，我無辦法幫佢做一個咁嘅決定。 上年今年我都玩緊同一遊戲。自問有照顧子女升學壓力，有衡量能力前途壓力等等。但最後結論就係你做咗先，有offer你再講。咁係第一個offer出現前你可以點？第一個offer往往都係講緊2、3月。reject letter早d。 現今升學多咗學術以外嘅參照，其實都係進步咗。少咗部分補習壓力。不過你都會去谷特異功能，仲難仲貴，同意嗎？ 就算講緊50%以上人口有得升大學，到最後你都想仔女讀好d嗰間。

無需要比較，事實上真係好多小朋友又係啱傳統精英教育，最重要係做父母可以拎得起放得低，了解什麼適合自己小朋友而作出選择