破地獄呢個文化喺套戲入面都係好表面，純粹係揾一個比較多香港人熟識嘅文化嚟串連個故事，你轉做其他喪禮習俗都唔太影響劇情。文哥覺得個儀式係做畀神睇，而子華覺得係做畀人睇。子華後尾做嘅嘢真係有幫到家屬釋懷，但一次都無見到家屬因為破地獄呢個儀式而釋懷。 所以破地獄呢個文化我喺套戲入面完全睇唔到有咩價值，我反而仲多咗respect 畀處理大體嘅人。 另外有啲scene或角色我覺得好無謂，我知好似話有好多幕戲導演cut 走咗但唔應該係藉口。做第三者，why? 主人家唔畀某人瞻仰遺容，why? 子華女友有咗，對劇情起到乜作用？ 總結套戲畀我嘅感覺就係由頭到尾有種淡淡嘅哀傷，但衝擊近乎零。演員係如坊間講做得好嘅，但絕對唔係會令人喊爆嘅戲。對我呢啲普通人嚟講是合格但overrated

多謝你哋嘅意見。

喊其實都可以好幸福，喊亦唔代表要親身經驗，如再見螢火蟲，我未經歴過二戰

因為套戲唔係想講個儀式 而且就係講緊老一輩傳統 感情嘢會收收埋埋 其實有啲畫面係有流露過文哥對仔女嘅愛 就係佢唔識表達 唔識講唔識做 睇唔睇到呢啲畫面就見人見智 做第三者大概係想講佢好難投入一段長久關係 佢係冇安全感嘅人 成長背景令佢好獨立 同時佢係好孤獨 兒時嘅經歷令佢心態扭曲 而且同女人污糟呢樣應該係有呼應 文哥話女人嚟m污糟 冇得做喃嘸 但做第三者嘅印象係好負面 介入人哋嘅關係 唔潔身自愛 理應係比嚟m更污糟 但文哥冇就呢件事話過佢 其實佢唔係真心覺得個女係污糟 只係佢一向守傳統 潛移默化講出嚟嘅嘢 而主人家唔俾瞻仰遺容 意思係死亡對生者係好殘酷 呢個係蘇蘇對現實嘅無奈同地獄 佢最後諗盡辦法去破地獄 為要見最後一面 道生有講 人情上蘇蘇先係親屬 道生嘅女朋友有咗bb 佢份工見盡死亡別離 後悔同不捨 年紀係佢卻步 選擇唔生嘅主要原因 佢覺得自己冇心力同時間俾最好嘅嘢俾仔女 要喺大家感情最好嘅時間分開 同時亦覺得自己會係仔女嘅負累 呢個係佢做殯儀之後 學識考慮生者感受 喺仔女仲好年輕 大家仲感情深厚嘅時間 佢同老婆都離開人世 咁佢嘅仔女作為生者會承受好大嘅痛苦