唔小心羾咗入瀝源邨 經過一間門面舊到無朋友嘅麵包工場 無啦啦買咗包紅棗蛋糕 吖 又幾好食喎 如果用麵包鋪常見嘅香蕉蛋糕嚟想像 甜度差唔多 質地行同一路線但係粗嚡啲、實在啲、重身啲 有紅棗香又有蛋糕嘅焦香味 紅棗肉大大粒仲唔算少 好似蜜餞咁嘅咬口 食落甜蜜又滿足 十二蚊一袋三嚿 拎上手比想像中重秤唔係輕飄飄嗰啲 食落味道、質感都好有「舊時嘅感覺」 諗住留返慢慢食忍唔住一日啪晒 順便出個post表揚下 港式包餅鋪好多時都搵到正嘢㗎 大家留意多啲啦 嘻 紅棗蛋糕來自 漢和麵飽西餅 沙田瀝源邨華豐樓地下 自費