EP8: 我的L小姐 上次講到連體嬰大戰L小姐嘅故事，大家都知道女人有時都幾可怕。但係當可怕嘅女人去到尊貴嘅健身室而唔係做運動嘅時候，佢哋嘅行為有時都真係幾惡頂。繼夜闖桑拿房同瑜伽連體嬰大戰嘅故事之後，其實L小姐每次都好鍾意喺收舖前15分鐘先至嚟我哋呢度享用尊貴嘅服務。 佢好少做運動，但係就一定會使用我哋更衣室服務，包括桑拿房同埋蒸氣房再加源源不絕嘅熱水供應俾佢沖一個漫長的涼，係好漫長嗰種。仲要係每一次佢都一定要指定四條大毛巾同埋四條細毛巾。你冇聽錯係總共八條毛巾！我記得有一次有個新來嘅接待處姐姐服務佢，佢俾咗一條大同一條細俾佢，然後L小姐就話：「你新嚟㗎 ？我要幾多條毛巾你都唔知？四大四細啊，做嘢醒少少啦。」 隔離清潔姐姐聽到心裏面同我一樣心裏都係想：「屌！」 下次同大家講吓L小姐點樣運用佢嗰四條大同四條細嘅毛巾喺更衣室裏便享用我哋專貴嘅服務😅