離職日 Day 3 好好地俾我休息下得唔得？ 2個替更欺負個新人長工，新人打過黎叫救命，又要走返公司處理，新人長工係個十幾年無打工，重新出黎返下工過日晨嘅。 當初會請佢，係因為住附近，再加上職場新鮮人，咪俾下機會人地囉，支持婦女再就業。 返到公司訓示完兩個替更，再安排長工去巡其他野，頂唔順，要返屋企休息。 返到屋企，休息左陣就病情大爆發，全身痛發冷發熱，止痛退燒藥食到一次過4粒，都係剛剛好壓低，痛依然都係痛。 全晚就開冷氣就熱到全身汁，熄冷氣就凍到蓋棉胎。粒零鐘醒一次，一路痛一路瞓，瞓到就受少啲，一紥醒第一件事度血氧，全晚度4次，每次度4隻手指，平均90-94。 真係動漫都無心機睇，機都無心機打。