今日食飯車完個朋友返去就揸車返屋企，途中有段單線行駛嘅路段有架車不斷追我尾，我已經行駛適當車速，之後佢響咹好似話比我知我阻住佢個地球轉咁。經過完漫長嘅單線行車之後轉返雙線，我馬上轉線比佢超前，然後選擇緊貼佢尾，因為我要令佢知道刻意比壓力人係咩感受。最後喺一段繁忙路口嘅燈位，我同佢左右車對望，我打開車窗同佢講：Do you understand how that feels now? It’s not about being in a hurry; it’s about people’s safety and lives. 佢冇回應，亦冇正視我。路口左轉我就離開咗，離開咗個路口嘅同時亦離開咗呢個事。 我哋會好輕易將自己嘅負能量傳遞比身邊嘅人，處理得稍為好嘅會將負能量轉嫁；如果果個人情緒唔識處理，後果可以好嚴重。可能我唔應該出聲，佢或許以後都用同樣駕駛態度去對待馬路上嘅其他人。又或者，佢只係當下欠缺咗一個用第三方角度去睇事物，換位思考嘅能力。