最近的感情狀況。 原本我係一個非常忠誠亦都非常相信愛情嘅人 但自從被背叛後，開始做緊好多自己都唔知啱定錯嘅事。 曾經以為自己係一個好浪漫嘅人， 但開始自我意識到，我真係唔適合拍拖，係好孤僻嘅人類😂 兩年前，我遇到一個到目前為止我真係懂得愛嘅人。 佢好多缺點，但我愛，愛到冇咗自己。 但我一直都覺得唔緊要，我愛就得，我捨得付出，喺付出嘅過程中我獲得滿足感就夠了。 但好可惜，我忘記愛自己了。 我俾佢出軌無數次。 第一次，我感受到有種個心被撕裂嘅感覺， 原來真係唔可以100%相信人，即使係你最親近嘅人。 但我選擇了原諒，然後發生第n次，開始麻木了。 好吧，因為原諒得第一次，我就要預咗自己之後嘅底線都會無限地降低。 直到一啲現實嘅因素，不得不分手。 我識咗第二個，我認我自己都係一個仆街，當佢係水泡。 好清楚自己唔識亦唔敢再愛，正式成為一個不懂浪漫的直女。 同依家呢一任，無論性格同相處方式都說不上夾。 但我真係好仆街，唔想佢走，因為我唔想自己忍唔住搵返上一任。 明明以前嘅我，單身都過得好精彩。 點解依家嘅我會變成咁，需要無縫接軌，嚟逃避失戀同放低上一任嘅痛。