呢個Moment想講下點解Moonway會存在（無人成日問我㗎🤡 大大話話都做左5年以上咖啡，呢樣藝術係教識我好多野 -耐心·探尋·同埋自我 經歷過盡可能多嘅比較同嘗試之後，會知道自己其實鍾意呢樣嘅係輪廓應該係點，慢慢都會累積想俾啲咩嘢俾人，人地都會感受到 係個過程入邊，係要嘗試去吸收唔同嘅知識去做support,理論當然要兼顧埋感受，話就話咖啡好數據化，其實飲落感受唔到就係唔好，成件事應該要預埋人嘅感受係入邊，用咩方式，點樣引導人，都可以話係數據嘅一部分，只不過量度唔到，差異就係係啲唔同嘅細微細節度被拉開。 所以Moonway以後唔係想淨係俾隻豆就完⋯ Moonway嘅存在唔係偶然，要同其他人比較都係行得慢，唔夠叻都係真嘅，不過慢慢黎先可能會有啱嘅嘢出現 又要再一次多謝呢大段時間幫過我嘅人，物同自己 希望大家加油☺️ 要記得爲做緊自己想做嘅嘢感到幸福