做左就黎10年merchandising 回望返，呢十年嘅病都好大可能係由merchant 呢樣野引起 未入孭蠢界前嗰份工日日要出街行舖 夏天身水身汗 冬天凍到hihi 落雨定曬到傻都冇事冇乜大病過 又要攞好多野，廿歲嘅我好似個呀嬸咁一抽二抽咁出街 可能就係咁，連個男朋友識過個東莞妹 連澳門舖都要去埋 但個人都仲係開開心心，樂樂觀觀 自2015年轉入呢個無間地獄 第一年已經爆皮膚問題 之後仲引發免疫系統問題 原本好雄心想做上去，好憧憬自己用幾多年要升到做Sr. 原本個經理想升我，我真係蠢，揀左走，係咪應該捱多幾個月升左先走？呢十年我不斷問返自己 但嗰刻好驚再唔走自己會死 直到今日 睇過嘅科: 眼科，內科，腦神經科，皮膚科，婦科，風濕科，中醫 生物製劑，唔同嘅藥 真係好攰，以前好驚再入醫院，嗰兩個禮拜真係好驚自己會死喺醫院 宜家反而覺得，死喳嘛，得閑冇事都想可以入下醫院 我諗我真係唔適合做呢行 但 打開個JobsDB，真係唔知自己可以做到咩轉咩行🖤