因為好鍾意小朋友，周不時見到可愛嘅bb都會鬼迷心竅咁想生小朋友。但諗深一層，始終對於養大一個「人」提唔起興趣&心機。 由金錢支撐住嘅衣食住行已經係最基本嘅要求。再嚟就係無論個小朋友識唔識表達，作為父母都要識了解佢嘅需要、同佢溝通。見過太多被social norm規範到好壓抑自己/被錯誤interpret嘅小朋友，每次都覺得好心痛。 再嚟又要教佢做個「好人」，一方面要對人仁慈，另一方面都唔可以因而虧待自己。一啲社區生活經驗、做下義工、識下朋友、提升social connection& participation、建立合適嘅社交能力…諗下都覺得攰。 到大個啲又要揀學校。唔好因學業而逼得佢太緊嘅同時又唔想佢無曬競爭力，學業同技能總要有樣嘢要精通。生而為人又總要有啲壓力先可以長大。諗下自己廿幾年嚟都喺壓力下長大，畢完一次業又再畢第2次，依家都係唔敢講「以後唔洗再讀書啦」，真係唔想生個寶貝落嚟要佢再經歷一次依啲嘢。 即使佢份人最後不似預期你都要無限量咁接受。 寫低提提自己，小朋友可愛不過10年8年，但後尾不論自己定係佢，都係幾十年嘅擔憂同苦，都係不了。